வாட்ஸ்ஆப் கனெக்ஷனில் கோளாறு சரி செய்வது எப்படி??

ரீஸ்டார்ட்

முதலில் ஸ்மார்ட்போனினை ரீஸ்டார்ட் செய்ய வேண்டும், இவ்வாறு செய்யும் போதே பெரும்பாலான பிரச்சனைகள் சரியாகிடும். ரீஸ்டார்ட் செய்ய முடியாதென்றால் போனினை ஃபிளைட் மோடில் வைத்து சில நிமிடம் கழித்து அதனினை நார்மல் மோடில் வைக்கலாம்.

வை-பை

ஸ்மார்ட்போனில் வை-பை கனெக்ஷன் அல்லது மொபைல் டேட்டா சீராக வேலை செய்வதை உறுதி செய்ய வேண்டும். எப்பொழுதும் வை-பை ஆன் செய்யப்பட்டிருந்தால் இந்தப் பிரச்சனையை தவிர்க்க முடியும்.

டேட்டா கனெக்ஷன்

வை-பை பயன்படுத்திட்டு திடீரென வை-பை இல்லாத வேறு இடத்திற்கு வந்திருக்கும் போது மொபைல் டேட்டா ஆன் செய்யப்பட்டுள்ளதா என்பதைச் சரி பார்க்க வேண்டும். பலரும் மொபைல் டேட்டா மற்றும் வை-பை பயன்பாடுகளை மறந்து செயலியை குறை கூறுவர்.

பேக்கிரவுன்டு டேட்டா

வாட்ஸ்ஆப் செயலியில் பேக்கிரவுன்டு டேட்டா முடக்கப்பட்டுள்ளதா என்பதைச் சரி பார்க்க வேண்டும். ஒரு வேலை மொபைல் டேட்டா கனெக்ஷனில் மட்டும் வாட்ஸ்ஆப் வேலை செய்யாமல், வை-பை கனெக்ஷனில் வேலை செய்யும் பட்சத்தில் ஏபிஎன் செட்டிங்ஸ் மாற்ற வேண்டும். இதனை மொபைல் சரி செய்பவரிடம் கொண்டு சென்று மாற்றுவது நல்லது.

அப்டேட்

இண்டர்நெட் கனெக்ஷன்கள் சரியாக இருப்பின் வாட்ஸ்ஆப் செயலியை அப்டேட் செய்ய வேண்டும். இதற்கு ஆப் ஸ்டோர் சென்று செயலியை அப்டேட் செய்ய வேண்டும்.

இன்ஸ்டால்

முந்தைய வழிமுறைகள் எதுவும் வேலை செய்யாத பட்சத்தில் வாட்ஸ்ஆப் செயலியை அன் இன்ஸ்டால் செய்து மீண்டும் இன்ஸ்டால் செய்ய வேண்டும்.