எந்த ஒரு துறையையும் ஒரு கை பார்க்கும் சோனி தற்போது ஒரு புதிய மிரர்லெஸ் கேமராவை அறிமுகம் செய்திருக்கிறது. இந்த புதிய கேமராவிற்கு நெக்ஸ்-5ஆர் என்று பெயர் சூட்டியிருக்கிறது.

இந்த நெக்ஸ் கேமரா பல சூப்பரான தொழில் நுட்ப வசதிகளுடன் வருகிறது. குறிப்பாக இந்த கேமரா எபிஎஸ்-சி டைப்பில் அமைந்த எக்ஸ்மோர் எபிஎஸ் எச்டி சிஎம்ஒஎஸ்ஸைக் கொண்டுள்ளது. மேலும் இதில் பையோன்ஸ் என்ற இமைஜ் சென்சாரும் உள்ளதால் இது எடுக்கும் போட்டோக்கள் மிகவும் துல்லியமாக இருக்கும்.

சோனியின் இந்த புதிய கேமரா ஒரு தொடுதிரையுடன் வருகிறது. இந்த கேமராவில் முழுமையான எச்டி வீடியோ பதிவை சூப்பராக செய்ய முடியும். இதில் உள்ள விரைவான வேகமான எஎப் எல்லாவிதமான லென்சுக்களையும் சப்போர்ட் செய்யும்.

மேலும் இந்த கேமரா ப்ளேமெமரிஸ் கேமரா அப்ளிகேசன்களைப் பதிவிறக்கம் செய்யும் வசதியையும் வைத்திருக்கிறது. அதற்காக இந்த கேமரா வைபை வசதியுடன் வருகிறது. வைபை வசதி இந்த கேமராவில் இருப்பதால் இது எடுக்கும் போட்டோக்கள் மற்றும் வீடியோக்களை நேரடியாக கணினி, டேப்லெட்டுகள் மற்றும் ஸ்மார்ட்போன்களுக்கு அனுப்ப முடியும்.

மேலும் இந்த கேமரா எடுக்கும் போட்டோக்களை டிஎல்என்எ வசதி கொண்ட டிவிக்களில் பார்க்க முடியும். ஆனால் அதற்காக எச்டிஎம்ஐ கேபிளை வாங்க வேண்டும்.

இந்த கேமரா வரும் அக்டோபரில் விற்பனைக்கு வர இருக்கிறது. இதன் விலை 650லிருந்து 750 அமெரிக்க டாலர்கள் வரை இருக்கும் என்று தெரிகிறது.