சுற்றுலா பயணிகளுக்கு உதவும் சிறந்த செயலிகள்

காயக் (Kayak)

தி பிரைஸ்லைன் குரூப் நிறுவனத்திற்கு சொந்தமான இந்த இணையதளம், ஒரு சியர்ச் எஞ்சின் ஆகவும் இயங்கி வருகிறது. இந்த இணையதளம் 20 முக்கிய மொழிகளில், 40 சர்வதேச தளங்களில் இயங்கி வருகிறது.

இந்த செயலி உள்ளூராக இருந்தாலும், உலக அளவில் இருந்தாலும் நம்முடைய சுற்றுலா திட்டத்தை பக்காவாக வகுத்து தரும்.

உங்களுடைய சுற்றுலா பட்ஜெட்டுக்கு ஏற்றவாறு தகுந்த இடங்கள், அங்குள்ள முக்கிய பகுதிகள், அந்த பகுதியில் என்னென்ன வாங்கலாம், வாங்கக்கூடாது என்பது உள்பட பல குறிப்புகள் சேமித்து வைக்கப்பட்டுள்ளது. நம்முடைய பட்ஜெட்டுக்கு சரியான பயணத்தை திட்டமிட்டு தரும் இந்த செயலியை தாராளமாக பயன்படுத்தலாம்

மேக் மை டிர்ப் (Make My trip)

இந்த செயலியை பலர் அறிந்து வைத்திருப்பார்கள். நம்முடைய சரியான சுற்றுலா பயணத்தை குறைந்த விலையில் டிராவல் டிக்கெட் புக் செய்து தருவது, அதில் உள்ள சலுகைகள், தள்ளுபடிகளை பெற்றுதருவது, என ஆன்லைனிலேயே அனைத்து பயண திட்டத்தையும் வகுத்து கொடுத்துவிடும்.

டெக்ஸ்டாப் மற்றும் மொபைலில் செயல்படும் வகையில் செயலி என செயல்பட்டு வரும் இந்த செயலி, பயன்படுத்துவதற்கு எளிமையாக ஒருசில கிளிக்குகளில் நம்முடைய அனைத்து வேலைகளையும் முடித்து கொடுத்துவிடும்

மேலும் ரெகுலராக இந்த செயலியை படுத்தி வந்தால் இதில் தள்ளுபடி, சலுகை, ரிவார்ட் புரோக்ரம், வேலட் ஆகிய பயன்களையும் வாடிக்கையாளர்கள் பெற்று கொள்ளலாம்

உங்கள் பிஎப் இருப்புத்தொகையை ஆன்லைனில் செக் செய்வது எப்படி?

டிரிப் அட்வைஸர் (Trip Advisor)

சுற்றுலா செல்பவர்களுக்காக உதவும் வகையில் அமைக்கப்பட்டுள்ள மேலும் ஒரு செயலி தான் இந்த டிரிப் அட்வைஸர்.

இதில் உள்ள தனிச்சிறப்பு என்னவெனில் எந்த இடத்திற்கு நாம் சுற்றுலா செல்ல போகின்றோமோ அந்த இடத்தின் அழகான புகைப்படங்கள், வீடியோக்கள் மற்றும் முக்கிய குறிப்புகள் ஆகியவை இந்த செயலியில் இருக்கும்.

அதுமட்டுமின்றி நாம் செல்லக் கூடிய இடத்தில் தரமான பார்கள், ரெஸ்டாரெண்ட்கள், ஓட்டல்கள், ஏர்லைன்ஸ், தங்குமிடம் உள்பட பல விவரங்களை நாம் முன்பே தெரிந்து கொள்ளலாம்.

ஒருவேளை நீங்கள் இருக்கும் இடத்திற்கு அருகிலேயே உள்ள இடங்களுக்கு சுற்றுலா செல்ல வேண்டும் என்றால் Near Me என்ற ஆப்சனை பயன்படுத்தலாம். நீங்கள் இருக்கும் இடத்தின் அருகிலேயே இதுவரை நீங்கள் கேள்விப்படாத இடங்களை உங்கள் கண்முன் நிறுத்தும்

ஏர்bnb (Airbnb)

இந்த செயலி நீங்கள் எந்த இடத்திற்கு சுற்றுலா செல்கின்றீர்களோ, அந்த இடத்தில் அல்லது அதன் அருகில் இருக்கும் தரமான அதே நேரத்தில் விலை குறைந்த ஓட்டல்கள் குறித்த முழு தகவல்கள் கிடைக்கும்.

உங்கள் சுற்றுப்பயணத்தை மறக்க முடியாத இன்ப அனுபவமாக்கவும், டிராவல் குறித்த அனைத்து விபரங்களையும் அறியவும், சுற்றுலா சென்ற இடத்தில் இருந்து வேறு இடங்களுக்கு செல்ல கார் புக் செய்வது உள்பட பல வசதிகளையும் இந்த செயலி மூலம் செய்து கொள்ளலாம்

கோஃப்ரோ (GoFro)

இந்த செயலியின் முக்கிய பணி சுற்றுலா செல்ல அமைத்து கொடுக்கும் நிறுவனங்களின் கட்டணத்தை நமக்கு தெரியப்படுத்தும். எந்த நிறுவனம் சரியான சேவையை கொடுத்து, சரியான கட்டணத்தை பெற்றுக்கொள்வதில் சிறந்த நிறுவனம் என்ற வேறுபாட்டை இந்த செயலி மூலம் தெரிந்து கொள்ளலாம்.

அனைத்து முன்னணி நிறுவனங்களையும் ஒப்பிட்டு பார்க்கும் வகையில் இந்த செயலி உதவுவதால், இந்த செயலியை உபயோகித்தால் நாம் எந்த நிறுவனம் மூலம் சுற்றுலா சென்றால் குறைவான செலவில் திருப்தியான அனுபவத்தை பெறலாம் என்பதை முடிவு செய்து கொள்ளலாம்